| ► | مارس 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
——————-
خطوه واحده
وبرجليك
هـ تخش قلب المعمعه
وعنيك تشوف أكتر
وتخاف أكتر ..
من كل يوم / بيفوت..
والحلم أتقل عليك
م المشي بحموله ف طريق
والطريق مايطمنش
خطوه واحده
وأقولك .. كش
من هنا ..
——————–
الصبح :
إحساس طازه بطعم حاجات
بتعود ..
زي ملامحك
اللي سبتها إمبارح ع البوفيه
وجريت قوام
علشان تنام
وتحلم
الضهر :
وبدون أسف
حلمك
هـ تحطه ف ظرف جواب
وهـ تكتب عليه ( مع خالص تحياتي )
وتودعه
المغرب :
الناس خيوط بتتشبك
————–
أراجوزعجوز البحر
طول عمره
لابيقرا
ولا بيكتب قصايد
وبيشرب الشاي تقيل ع الريق
وصديق
زي جدي ..
اللي دايما كان يعدي الخوف كلامه
ف كل شئ
وبيقرص ودن الأيام
لو حبلت بسنين عوجه
جدي يابويا
كان ف حضنه يلمنا زي الكلمات المتقاطعه
حفنة عيال
ماسكين ف عمره اللي فات
نحلم بطلوع النخل ف كلامه
———————
زي نور شقي / زي روحك
زي عنيك ..
هيه الحياه كده
فيها كل أصناف التعب والناس
فتافيت أحلام علي كام وجع
وفرح وحيد
زي حلمك / زي قلبك
زيها ..
البنت اللي بتطلع علي شجر الليل ف عنيك
وتقطفلك من كل ماتشتهي حواديت
مافتش عليها حزين بسلام
ولا ميل هواها ف يوم
————————
كان ليل
والحلم سهران ع القهوه
* طلباتك
- واحد حب علي سهوه ,
وكباية حنين
يشرب عطاشي الحلم من نيلي ..
فرح
* طلباتك
- واحد طب للي إنجرح
ملفوف
ولفاني الحياه ..
دمعه ف خزين العمر/ موالي
——————–
صفاره
وكان بدأ شوط الأمل
بينا .. شاط
وكإنه واحد من صحاب طيبين خدنا
شاهد علي عنينا الهوي
والشهاده عيون ..
زارع خضار الجنه فوق كف الحياه
مسافات
وبيستعجل ف السنين حملها
تولد فرح
صفاره
وكان جرح إحساسنا شئ ..
—————-
صياد وضي وشجر
الكون مهيأ
والفن إنك تصطاد بخفه
وبمهاره
صيد الأماني مش صدف
ثبت عنيك وأظبط نيشانك
وأما تمسك صيده ماتسيبهاش
وإن كان صيدك لسه ماجاش
———————-
إتعودت
وبعد كل جرح يصيبك
م الشوك ..
ف الورد اللي إنت زرعته
ف الليل اللي إنت حفرته ..
تزرعه تاني
وتسقيه ..
من نيل إحساسك البكر
ف القلب الأبيض ..
زي مدينه مدخلهاش حد لسه
مستني طلة أول قمر
وضحكة أول ربيع
وخطوة أول حبيبه ..
مابيحركهاش ناحيتك ف الغرام
إلا الصمت
ع الشط شاطر حسن
——————
(صبح وليل / وليل وصبح ..)
يترش الملح
ماينزلشي ..
من تعب اليوم / الداير ..
دايره حزينه ف حلم
قصدي ف فيلم ..
قديم ومكرر ..
نفس الأدوار الثابته
والأضواء علي نفس البطل
المجروح إحساسه
وبيوتنا المش واقفه علي عمدان ,
ونس القهاوي ,
وكحة أبويا اللي السجاير ..
—————–
جلا جلا
البحر لابيكره ولا
بيحب
وأنا كنت مره الحديد الصلب
ف عنيك داب
غربه ومن غير حساب
ولا شط
جلا جلا
خيال مآته حط همه ف الهدوم
لا إرتاح ولا
جاله يوم أصبح بشر
